پشاور(سپیشل رپورٹر)پشاور ہائی کورٹ نے فوری نوعیت کے مقدمات کی سماعت کی تاریخ مقرر کرنے میں درپیش مشکلات کے پیش نظر اہم اقدامات کا اعلان کردیا ہے
ہائی کورٹ کی آئی ٹی کمیٹی کے 11ستمبر کے اجلاس کے فیصلوں کی روشنی میں فوری درخواستوں کی سماعت مقرر کرنے کا طریقہ کار تبدیل کردیا گیا ہے
جاری کردہ سرکولر کے مطابق ارجنٹ فارم کے ساتھ دائر کئے جانے والے تمام مقدمات کی بنیادوں اور درخواست کی حقیقت و جواز سے مطمئن ہونے کے بعد اضافی رجسٹرار جوڈیشل مزید احکامات تک ان کی دستی طور پر سماعت مقرر کریں گے
سرکولر میں کہا گیاہے کہ نظام کی جانب سے غیر معقول طور پر دور کی تاریخوں پر مقررکئے گئے تمام موشن کیسوں کو بھی اضافی رجسٹرار جوڈیشل دستی طور پر جلد سماعت کیلئے مقرر کریں گے
مقدمات کی سماعت مقرر کرنے یا اس حوالے سے کسی بھی شکایت کیلئے اضافی رجسٹرار جوڈیشل سے ای میل پررابطہ کیا جاسکے گااضافی رجسٹرار جوڈیشل کی جانب سے جاری کئے گئے ہیں
مقدمات کی جلد سماعت نہ ہونے کے باعث فریقین اور وکلا کو درپیش مشکلات کے پیش نظر یہ اقدامات کئے گئے ہیں
سرکولر کی نقول چیف جسٹس پشاور ہائی کورٹ، تمام ججز، ڈپٹی رجسٹرارز، ڈائریکٹر آئی ٹی، پشاور ہائی کورٹ بار ایسوسی ایشن کے صدر اور متعلقہ نوٹس بورڈ کو ارسال کردی گئی ہیں۔
