پاکستان تحریک انصاف کے سابق صوبائی وزیر شوکت علی یوسفزئی نے سینیٹ کی خالی نشست کے لیے پارٹی ٹکٹ کی درخواست دے دی

پشاور (ویب ڈیسک) پاکستان تحریک انصاف کے سینیئر رہنما اور سابق صوبائی وزیر شوکت علی یوسفزئی نے خیبر پختونخوا سے سینیٹ کی خالی نشست کے لیے پارٹی ٹکٹ کی درخواست دے دی۔
​پارلیمانی بورڈ کو ارسال کردہ درخواست میں شوکت یوسفزئی نے اپنی 28 سالہ رفاقت کا حوالہ دیتے ہوئے کہا کہ وہ 1996 سے تحریک انصاف کے ساتھ وابستہ ہیں اور 1997 کے انتخابات میں ‘چراغ’ کے نشان پر الیکشن لڑ چکے ہیں۔ انہوں نے یاد دہانی کرائی کہ وہ دو بار صوبائی وزیر، پارٹی کے منتخب صوبائی جنرل سیکرٹری اور بانی چیئرمین عمران خان کے سیاسی مشیر رہ چکے ہیں