پشاور میں صفائی اور تجاوزات کیخلاف کارروائیوں کے باوجود بنیادی شہری سہولیات کی صورتحال تشویشناک ہے پینے کے پانی کی آلودگی، کھلے مین ہولز اور نکاسی آب کی ناقص صورتحال شہریوں کیلئے صحت اور حفاظت کے مسائل پیدا کر رہی ہے
تازہ رپورٹ کے مطابق پشاور کے تقریبا 84فیصد پینے کے پانی کے نمونے آلودہ ہیں جبکہ شہر کی 42یونین کونسلوں میں تقریبا 11ہزار مین ہولز کے ڈھکن غائب ہونے کی نشاندہی کی گئی ہے
واٹر اینڈ سینی ٹیشن سروسز پشاور کے مطابق جون سے اب تک تقریبا 6ہزار 500مین ہولز پر ڈھکن نصب کئے جا چکے ہیں تاہم ہزاروں مین ہولز تاحال حفاظتی ڈھکنوں کے منتظر ہیں
یونیسیف کے سروے کے مطابق شہر کے تقریبا 4لاکھ افراد کو بیت الخلا کی سہولت دستیاب نہیں جس سے صفائی اور صحت عامہ کے مسائل مزید سنگین ہو سکتے ہیںدوسری جانب ڈبلیو ایس ایس پی کے مطابق شہر میں 547ٹیوب ویلز اور 38واٹر فلٹریشن پلانٹس کام کر رہے ہیں جبکہ روزانہ تقریبا 5سے 6کروڑ گیلن پانی فراہم کیا جا رہا ہے ۔