بلوچستان: این-25 ہائی وے پر سیکیورٹی فورسز کا آپریشن، 19 مبینہ دہشت گرد ہلاک، 11 اہلکار شہید
سیکیورٹی ذرائع کے مطابق بلوچستان میں این-25 ہائی وے پر جھاؤ کراس اور کرارو کے درمیان انٹیلی جنس بیسڈ آپریشن (IBO) کیا گیا۔ ذرائع کا دعویٰ ہے کہ اس مقام پر مسلح افراد شاہراہ بلاک کر کے مسافروں اور مقامی شہریوں سے بھتہ وصول کر رہے تھے۔
سیکیورٹی ذرائع کے مطابق کارروائی کے دوران فائرنگ کے تبادلے میں 19 مبینہ دہشت گرد ہلاک جبکہ متعدد دیگر زخمی ہوئے۔
ذرائع کے مطابق آپریشن کے دوران سیکیورٹی فورسز کے 11 اہلکار بھی شہید ہو ۔
سیکیورٹی ذرائع کا کہنا ہے کہ فورسز عوام کی جان و مال کے تحفظ، قومی شاہراہوں کی سیکیورٹی اور بلوچستان میں امن برقرار رکھنے کے لیے کارروائیاں جاری رکھیں گی۔ انہوں نے مزید کہا کہ ریاست دشمن عناصر کی جانب سے امن و امان خراب کرنے یا شہریوں کو نقصان پہنچانے کی کوششوں کا مؤثر جواب دیا جائے گا
