شاہراہِ قراقرم پر تریس بانڈہ کے مقام پر گلگت سے راولپنڈی جانے والی موٹر کار
گہری کھائی میں جا گری جس کے نتیجے میں گاڑی میں سوار تمام افراد جان کی بازی ہار گئے۔
واقعے کی اطلاع ملتے ہی ریسکیو 1122، تھانہ پٹن پولیس، چوکی کیرو اور چوکی مٹہ بانڈہ کی نفری موقع پر پہنچ گئی۔
مقامی افراد کے تعاون سے امدادی کارروائیاں شروع کی گئیں اور دشوار گزار علاقے کے باعث تقریبا تین گھنٹوں میں ریسکیو آپریشن مکمل کیا گیا۔
ریسکیو حکام کے مطابق تمام لاشوں کو تحصیل ہیڈکوارٹر ہسپتال پٹن منتقل کر دیا گیا ہے۔
جاں بحق افراد میںسلیمان خان ولد محمود تاج سکنہ مظفرآباد، محمد شعبان ولد اختر میاں سکنہ خانیوال، عمران اور دانیال کی شناخت ہو چکی ہے، جبکہ دو افراد کی شناخت تاحال نہیں ہو سکی۔
پولیس نے حادثے کی وجوہات جاننے کے لیے تحقیقات شروع کر دی ہیں۔
