شمالی وزیرستان کے علاقے سپن وام میں سیکیورٹی فورسز کا آپریشن,سرغنہ سمیت 5 دہشتگرد ہلاک

سپن وام کے علاقے میں سیکیورٹی فورسز نے ایک انٹیلی جنس بیسڈ آپریشن کے دوران انتہائی مطلوب دہشت گرد سرغنہ خارجی عمر عرف جان میر عرف ثاقب تور کو 4 دیگر دہشت گردوں سمیت ہلاک کر دیا۔
سیکیورٹی ذرائع کے مطابق ہلاک دہشت گرد کے سر 30 لاکھ روپے کا انعقام رکھا گیا تھا، اور یہ فتنہ الخوارج کا ماسٹر مائنڈ تھا جو سیکیورٹی فورسز اور عام شہریوں پر متعدد دہشت گرد حملوں میں ملوث رہا۔
خارجی عمر عرف ثاقب تور نے بوبالی مسجد کے اطراف زیر زمین بنکر، سرنگیں اور بارودی جال بچھا رکھے تھے، سیکیورٹی فورسز نے مربوط حکمت عملی کے تحت دہشت گردوں کو گھیرے میں لے کر ہلاک کیا۔
ماہرین کا کہنا ہے کہ سرغنہ کی ہلاکت سے علاقے میں امن و امان کی صورتحال بہتر ہوگی اور فتنہ الخوارج کے دہشت گردوں کے لیے بڑا دھچکا ہے۔
آپریشنز کی بدولت دہشتگرد سرگرمیاں محدود کرنے میں مدد ملے گی
آپریشن کے تحت فتنہ الخوارج اور فتنہ الہندوستان کے خلاف کارروائیاں کامیابی سے جاری ہیں، جس سے شمالی وزیرستان میں دہشت گردوں کی سرگرمیوں کو محدود کرنے میں مدد ملے گی۔