پشاور سمیت صوبہ بھر میں زلزلے کے جھٹکے، شدت 5.4 ریکارڈ

پشاور(ویب ڈیسک )پشاور سمیت سمیت صوبہ بھر میں زلزلے کے شدید جھٹکے محسوس کیے گئے، جس کے باعث شہریوں میں خوف و ہراس پھیل گیا اور لوگ کلمہ طیبہ کا ورد کرتے ہوئے گھروں اور دفاتر سے باہر نکل آئے۔زلزلہ پیما مرکز کے مطابق زلزلے کی شدت 5.4 ریکارڈ کی گئی، جبکہ اس کی گہرائی زمین کے اندر مناسب حد تک تھی، جس کے باعث جھٹکے دور دور تک محسوس کیے گئے۔زلزلے کے جھٹکے صوبہ بھر کے مختلف اضلاع میں بھی محسوس کیے گئے، جن میں مردان، چارسدہ، نوشہرہ، سوات ،دیر ،چترال سمیت دیگر علاقے شامل ہیں۔ بعض علاقوں میں جھٹکوں کی شدت زیادہ ہونے کے باعث شہریوں میں شدید خوف و ہراس دیکھا گیا۔ابتدائی اطلاعات کے مطابق کسی جانی نقصان کی اطلاع موصول نہیں ہوئی، تاہم ریسکیو اور ضلعی انتظامیہ کو الرٹ کر دیا گیا ہے تاکہ کسی بھی ہنگامی صورتحال سے نمٹا جا سکے۔ماہرین کے مطابق زلزلہ معمول کی ٹیکٹونک سرگرمی کا نتیجہ ہو سکتا ہے، تاہم شہریوں کو احتیاطی تدابیر اختیار کرنے کی ہدایت کی گئی ہے۔انتظامیہ نے عوام سے اپیل کی ہے کہ وہ غیر ضروری طور پر خوفزدہ نہ ہوں اور کسی بھی ایمرجنسی کی صورت میں متعلقہ اداروں سے فوری رابطہ کریں۔