Sohail Afridi نے معاون خصوصی برائے اطلاعات Shafi Jan اور مشیر خزانہ Muzammil Aslam کے ہمراہ پریس کانفرنس کرتے ہوئے پیٹرولیم مصنوعات کی قیمتوں میں حالیہ اضافے کو سختی سے مسترد کر دیا۔
وزیراعلیٰ کا کہنا تھا کہ وفاقی حکومت نے پیٹرول کی قیمتوں میں اضافہ کرکے عوام پر “پیٹرول کا ایٹم بم” گرا دیا ہے۔ انہوں نے مطالبہ کیا کہ وفاقی حکومت کو ایسے فیصلوں سے قبل صوبوں کو اعتماد میں لینا چاہیے اور عوام پر بوجھ ڈالنے کے بجائے اپنی شاہ خرچیاں کم کرنی چاہئیں۔
انہوں نے کہا کہ ماضی میں جب کورونا وبا کے دوران پیٹرول مہنگا کیا گیا تو موجودہ حکمرانوں نے اس پر سیاست کی تھی، لیکن خیبرپختونخوا حکومت نے ہمیشہ مشکل وقت میں سیاسی اختلافات کو بالائے طاق رکھا۔ ان کے مطابق پنجاب میں سیلاب، کراچی میں گل پلازہ میں آگ لگنے جیسے واقعات پر بھی انہوں نے سیاست نہیں کی۔
Politics
وزیراعلیٰ نے کہا کہ جب Imran Khan کی صحت کا معاملہ سامنے آتا ہے تو بعض حلقے اس پر سیاست کرتے ہیں، جو افسوسناک ہے۔
پریس کانفرنس کے دوران انہوں نے عوام کو ریلیف دینے کیلئے ایک اہم اعلان کرتے ہوئے کہا کہ خیبرپختونخوا حکومت نے موٹرسائیکل سواروں کو سبسڈی دینے کا فیصلہ کیا ہے۔ صوبے میں اس وقت تقریباً 14 سے 16 لاکھ موٹرسائیکل رجسٹرڈ ہیں اور ہر رجسٹرڈ موٹرسائیکل کے مالک کو 2200 روپے دیے جائیں گے تاکہ بڑھتے سفری اخراجات کا بوجھ کم کیا جا سکے۔
انہوں نے مزید بتایا کہ صوبائی حکومت نے بی آر ٹی کے کرایوں میں اضافہ نہ کرنے کا فیصلہ بھی کیا ہے اور اس کا اضافی خرچ حکومت خود برداشت کرے گی۔
وزیراعلیٰ کے مطابق خیبرپختونخوا حکومت نے نئی گاڑیوں کی خریداری اور بین الاقوامی دوروں پر پابندی عائد کر رکھی ہے تاکہ سرکاری اخراجات کم کیے جا سکیں۔ انہوں نے کہا کہ صوبائی حکومت کا ہیلی کاپٹر کریش ہو چکا ہے لیکن اس کے باوجود نیا ہیلی کاپٹر خریدنے کا فیصلہ نہیں کیا گیا۔
ان کا کہنا تھا کہ دوسری جانب وفاقی حکومت اپنی شاہ خرچیاں کم کرنے کے بجائے عوام پر 55 روپے فی لیٹر پیٹرول مہنگا کرکے مزید بوجھ ڈال رہی ہے۔
