جی ٹی روڈ پر پیر زکوڑی پل کے قریب پولیس موبائل کے نزدیک آئی ای ڈی دھماکے میں دو اہلکار معمولی زخمی ہو گئے۔
ریسکیو 1122 کے مطابق زخمیوں کو ہسپتال منتقل کر دیا گیا جبکہ امدادی ٹیموں نے موقع پر پہنچ کر کارروائی شروع کر دی۔
پولیس ذرائع کے مطابق واقعے کے بعد سکیورٹی ہائی الرٹ کر دی گئی اور قریبی علاقوں میں سرچ آپریشن جاری ہے۔
ادھر گورنر خیبرپختونخوا فیصل کریم کنڈی نے دھ ماکے کی مذمت کرتے ہوئے زخمی اہلکاروں کی جلد صحت یابی کی دعا کی اور واقعے کی رپورٹ طلب کر لی۔ انہوں نے کہا کہ امن دشمن عناصر اپنے مذموم مقاصد میں کامیاب نہیں ہوں گے۔
