وزیراعلیٰ خیبرپختونخوا محمد سہیل آفریدی نے حالیہ بس حادثے میں جاں بحق افراد کے لواحقین اور زخمیوں کے لیے خصوصی مالی امدادی پیکیج کا اعلان کر دیا ہے۔
وزیراعلیٰ کے اعلان کے مطابق، حادثے میں جاں بحق ہر فرد کے لواحقین کو 20 لاکھ روپے جبکہ ہر زخمی کو 10 لاکھ روپے مالی امداد فراہم کی جائے گی۔ انہوں نے متعلقہ حکام کو ہدایت کی ہے کہ قانونی اور انتظامی کارروائیاں فوری مکمل کرکے امدادی رقوم بلا تاخیر متاثرین تک پہنچائی جائیں۔
اس موقع پر وزیراعلیٰ محمد سہیل آفریدی نے گہرے دکھ اور افسوس کا اظہار کرتے ہوئے کہا کہ خیبرپختونخوا حکومت اس مشکل وقت میں متاثرہ خاندانوں کے ساتھ کھڑی ہے اور انہیں ہر ممکن مالی اور انتظامی معاونت فراہم کی جائے گی۔ انہوں نے یہ بھی واضح کیا کہ امدادی پیکیج کی فراہمی میں کسی قسم کی غفلت یا تاخیر برداشت نہیں کی جائے گی۔
