سوات: اے این پی کے سابق صدر ایوب خان اشاڑی کی رہائشگاہ پر حملہ، اہل خانہ محفوظ
سوات میں عوامی نیشنل پارٹی کے سابق ضلعی صدر ایوب خان اشاڑی کی رہائشگاہ پر گزشتہ رات حملہ کیا گیا۔ خوش قسمتی سے گارڈز نے بروقت کارروائی کرتے ہوئے حملے کو ناکام بنایا، اور اہل خانہ بالکل محفوظ رہے۔
آئی پی پی کے رہنما میاں افتخار حسین نے واقعے کی سخت مذمت کرتے ہوئے کہا کہ رات کی تاریکی میں سیاسی کارکن کے گھر کو نشانہ بنانا ناقابلِ قبول اور افسوسناک ہے۔ انہوں نے کہا کہ یہ واقعہ صوبے میں امن و امان کی بگڑتی صورتحال کا واضح ثبوت ہے۔
پارٹی نے اعلان کیا کہ وہ اس مشکل گھڑی میں ایوب خان اشاڑی اور ان کے اہل خانہ کے ساتھ کھڑی ہے۔ سوات میں امن کے لیے آواز اٹھانے کی پاداش میں ایسے حملے ناقابلِ برداشت ہیں۔
واضح رہے کہ چند روز قبل ضلعی سینئر نائب صدر ممتاز علی خان کو بھی نشانہ بنانے کی کوشش کی گئی تھی۔
