چیئرمین پی ٹی آئی بیرسٹر گوہر علی خان نے مطالبہ کیا ہے کہ وزیر اعلیٰ مریم نواز کو دہشتگردی سے متعلق اپنے بیان پر معافی مانگنی چاہیے۔
سپریم کورٹ کے باہر میڈیا سے گفتگو کرتے ہوئے بیرسٹر گوہر نے کہا کہ وزیر اعلیٰ پنجاب کے دہشتگردی سے متعلق بیان کی مذمت کرتا ہوں، پاکستان میں دہشت گردی کے پیچھے انڈیا اور ’را‘ نکلی لیکن وزیر اعلیٰ پنجاب کا بیان متعصبانہ ہے۔
انہوں نے کہا کہ وزیر اعلی کے علاوہ کوئی ایسا بیان دیتا تو ایف آئی آر ہو چکی ہوتی، دہشت گردی پر قومی سیاسی قیادت کو سنجیدہ رویہ رکھنا چاہیے۔
بیرسٹر گوہر نے کہا کہ دہشت گردی پر پوائنٹ اسکورنگ ہونی چاہیئے اور نہ سیاسی بیانات، ہماری سویلینز اور افواج قربانیاں دے رہے ہیں۔
