الیکشن کمیشن نے کے پی حکومت کا بلدیاتی انتخابات کیلئے 180 دن مہلت دینے کا مطالبہ مسترد کردیا۔ الیکشن کمیشن نے چیف سیکریٹری خیبرپختونخوا کو خط لکھ دیا۔ کہا صوبائی حکومت کا مؤقف غیرتسلی بخش ہے۔
خط میں مزید کہا گیا ہے کہ حلقہ بندیوں کیلئے صوبائی حکومت کی مشاورت لازمی نہیں۔
کے پی حکومت نے بلدیاتی انتخابات سے پہلے نئی قانون سازی اور امن وامان کے پیش نظر وقت مانگا تھا۔
خط میں الیکشن کمیشن نے کے پی حکومت کو بلدیاتی انتخابات کیلئے فوری اقدامات کرنے کی ہدایت کی ہے۔
