چارسدہ۔تھانہ سرڈھیری کی حدود میں خاتون سے مبینہ اجتماعی زیادتی کا افسوسناک واقعہ پیش آیا،خاتون اپنے شوہر کے ہمراہ تھانہ سرڈھیری پہنچ گئی اور چاروں ملزمان کو نامزد کردیا
پولیس نے متاثرہ خاتون کی مدعیت میں چار ملزمان کے خلاف مقدمہ درج کرلیا۔
پولیس کے مطابق متاثرہ خاتون سسرال سے میکے جارہی تھی کہ راستے میں چار ملزمان نے اسے مبینہ طور پر زبردستی روک لیا اور باری باری جنسی زیادتی کا نشانہ بنایا۔
واقعے کے بعد متاثرہ خاتون اپنے شوہر کے ہمراہ تھانہ سرڈھیری پہنچ گئی اور چاروں ملزمان کو نامزد کردیا۔
پولیس کا کہنا ہے کہ متاثرہ خاتون سے ضروری نمونے حاصل کرکے میڈیکل رپورٹ کے لیے ہسپتال بھجوا دیے گئے ہیں، جبکہ واقعے کے بعد چاروں ملزمان فرار ہوگئے۔ ملزمان کی گرفتاری کے لیے مختلف پولیس ٹیمیں تشکیل دے دی گئی ہیں اور ان کی تلاش جاری ہے۔
