کوہاٹ کے پرانے پولیس لائن میں ہونے والے خودکش دھماکہ کے بعد وزیراعلیٰ سہیل آفریدی کوہاٹ پہنچ گئے، جہاں انہوں نے دھماکے میں زخمی ہونے والے افراد کی عیادت کی اور ان کی خیریت دریافت کی، جبکہ شہداء کے لواحقین سے اظہار تعزیت کیا۔
وزیراعلیٰ سہیل آفریدی نے زخمیوں کو فراہم کی جانے والی طبی سہولیات کا جائزہ لیا اور متعلقہ حکام کو ہدایت کی کہ زخمیوں کو علاج معالجے کی بہترین ممکنہ سہولیات فراہم کی جائیں۔
انہوں نے طبی عملے سے زخمیوں کی صحت اور انہیں فراہم کیے جانے والے علاج سے متعلق بھی معلومات حاصل کیں۔
