خیبرپختونخوا محکمہ خزانہ نے صفا ستھرا پختونخوا پروگرام کے تحت ویلج کونسلز میں کام کرنے والے ملازمین کی تنخواہوں اور دیگر آپریشنل اخراجات کیلئے مجموعی طور پر 1 ارب 81 کروڑ روپے کے فنڈز جاری کردیئے ہیں۔
محکمہ خزانہ کی جانب سے جاری کردہ دو الگ الگ احکامات کے مطابق صوبے کی بندوبستی اضلاع کی ویلج کونسلز کیلئے 1 ارب 52 کروڑ 93 لاکھ 20 ہزار روپے جبکہ ضم اضلاع کی ویلج کونسلز کیلئے 28 کروڑ 6 لاکھ 80 ہزار روپے جاری کیے گئے ہیں۔
اعلامیہ کے مطابق جاری کردہ فنڈز مالی سال 2026-27 کی پہلی سہ ماہی، جولائی تا ستمبر 2026 کے دوران دیہی علاقوں کے ویلج کونسلز کے صفائی پروگرام کے آپریشنل اخراجات، بالخصوص سینیٹری/صفائی ملازمین کی تنخواہوں اور فیول و مرمت کی مد میں استعمال ہوں گے۔
بندوبستی اضلاع کیلئے جاری 1,529.320 ملین روپے کی رقم صوبے کے 30 اضلاع کی متعلقہ ویلج کونسلز کیلئے مختص کی گئی ہے، جبکہ ضم اضلاع کیلئے جاری 280.680 ملین روپے کی رقم 8 اضلاع کی ویلج کونسلز کیلئے مختص کی گئی ہے۔
