درخواست خارج، عدالت نے اعتراضات کو ناکافی قرار دے دیا
خبر:
پشاور ہائیکورٹ نے سید وقار شاہ کی تعیناتی اور ترقی سے متعلق کیس کا تحریری فیصلہ جاری کرتے ہوئے ان کے خلاف دائر درخواست کو خارج کر دیا ہے۔
عدالت نے اپنے فیصلے میں واضح کیا کہ گریڈ 20 اور 21 میں سید وقار شاہ کی ترقی کے لیے جاری کیے گئے انتظامی احکامات میں کوئی ایسی غیر قانونی بات سامنے نہیں آئی جس کی بنیاد پر انہیں عہدے سے ہٹایا جا سکے۔
عدالت کا کہنا تھا کہ سروس اور ترقی سے متعلق معاملات کے لیے ہائی کورٹ کے بجائے متعلقہ سروس ٹربیونل سے رجوع کرنا چاہیے تھا۔ مزید یہ کہ محض شک کی بنیاد پر کسی کی تعیناتی کو کالعدم قرار نہیں دیا جا سکتا۔
فیصلے میں عدالت نے سید وقار شاہ کو ان کے عہدے پر کام جاری رکھنے کا اہل قرار دیتے ہوئے ان کی تقرری کے خلاف اٹھائے گئے اعتراضات کو قانونی طور پر ناکافی قرار دے کر مسترد کر دیا۔
