اسلام آباد: پاکستان آئیر فورس نے اعلیٰ پیشہ ورانہ مہارت کا مظاہرہ کرتے ہوئے ایران کے دارالحکومت تہران سے آئے مہمانوں کو واپسی کے سفر میں فول پروف سیکیورٹی فراہم کی۔
ذرائع کے مطابق مہمانوں کے طیارے کو JF-17 Thunder لڑاکا طیاروں کی مدد سے فضائی حفاظتی حصار میں لیا گیا اور انہیں باحفاظت رخصت کیا گیا۔ اس دوران پاک فضائیہ کے طیاروں نے نہایت مربوط انداز میں اسکارٹ کرتے ہوئے طیارے کی مسلسل نگرانی کی۔
حکام کا کہنا ہے کہ پروٹوکول کے تحت مہمانوں کو ان کے ملک تک محفوظ پہنچانے کے لیے مربوط انتظامات کیے گئے ہیں، جبکہ انہیں مکمل فضائی تحفظ فراہم کیا گیا۔ یہ اقدام نہ صرف سیکیورٹی کے اعلیٰ معیار کو ظاہر کرتا ہے بلکہ پاکستان اور ایران کے درمیان مضبوط تعلقات اور باہمی اعتماد کی عکاسی بھی کرتا ہے۔دفاعی ماہرین کے مطابق اس نوعیت کے فضائی اسکارٹ مشنز حساس حالات میں انتہائی اہمیت کے حامل ہوتے ہیں، جو کسی بھی ممکنہ خطرے کے پیش نظر فوری ردعمل اور مکمل کنٹرول کو یقینی بناتے ہیں۔
