خیبر پختونخوا میں بارشوں نے تباہی مچا دی ،26افراد جاں بحق،ایمرجنسی نافذ

ملک بھر کی طرح خیبرپختونخوا میں بھی جاری بارشوں سے 26 افراد جاں بحق 77 زخمی ہو گئے ، صوبہ میں ہونے والے بارشوں سے ہونے والی نقصانات کی رپورٹ پی ڈی ایم اے نے جاری کر دی ،رپورٹ کی مطابق صوبہ میں جاری بارشوں سے جاں بحق افراد میں 18بچے ، 3 مرد اور 5 خواتین جبکہ زخمیوں میں 33 مرد ، 9 خواتین اور 35 بچے شامل ہیں۔ دوسری جانب صوبہ بھر میں مسلسل جاری بارشوں کے باعث مجموعی طور پر 102 گھر وں کو نقصان پہنچا جس میں 82 گھروں کو جزوی جبکہ 20 گھر مکمل طور پر منہدم ہوئے۔ یہ حادثات بنوں، ایبٹ آباد، کوہاٹ ، پشاور، نوشہرہ، باجوڑ، لکی مروت،کرم، ہنھگو، شانگلہ، بونیر، مالاکنڈ، دیر اپر ،باجوڑ، بٹگرام، شمالی وزیرستان اور ٹانک میں پیش آئے۔ محکمہ موسمیات کے مطابق بارشوں کا یہ سلسلہ 4 اپریل تک جاری رہنے کا امکان ہے، دوسری جانب حکومت خیبر پختونخوا نے بارشوں اور سیلابوں سے متاثرہ افراد کو ریسکیو کرنے کا سلسلہ جاری ہے ، جبکہ صوبہ بھر میں ہنگامی صورتحال سے نمٹنے کے لئے ایمرجنسی نافذ کر دی گئی ہے ،جبکہ تمام اضلاع کے ڈپٹی کمشنرز اور انتظامیہ کو ہدایات جاری کر دی گئی ہیں