کراچی: ملک میں سونے کی قیمت میں آج نمایاں کمی دیکھی گئی ہے، جس کے بعد فی تولہ سونا 7,100 روپے سستا ہو گیا۔
بین الاقوامی بلین مارکیٹ میں فی اونس سونے کی قیمت میں 71 ڈالر کی کمی ریکارڈ کی گئی، جس کے بعد یہ 5,105 ڈالر کی سطح پر آ گئی۔
آل پاکستان صرافہ مارکیٹ کے مطابق 24 قیراط سونے کی فی تولہ قیمت کمی کے بعد 533,262 روپے ہو گئی، جبکہ دس گرام سونے کی قیمت بھی 6,087 روپے کی کمی کے بعد 457,186 روپے پر آگئی۔
دوسری جانب چاندی کی قیمت میں بھی کمی دیکھی گئی ہے۔ فی تولہ چاندی کی قیمت 324 روپے کم ہو کر 8,851 روپے کی سطح پر پہنچ گئی، جبکہ دس گرام چاندی کی قیمت 278 روپے کی کمی کے بعد 7,588 روپے پر آ گئی۔
ماہرین کے مطابق بین الاقوامی مارکیٹ میں سونے کی قدر میں کمی اور ملکی طلب میں اتار چڑھاؤ اس کمی کی بنیادی وجہ ہے۔
