کوہستان میگا مالیاتی سکینڈل، اہم ملزم محمد ایوب کی پلی بارگین کی درخواست منظوری کے لئے چئیرمین نیب کو ارسال ے

پشاور(نیوزرپورٹر) کوہستان میگا مالیاتی سکینڈل کے اہم ملزم محمد ایوب کی پلی بارگین کی درخواست ڈی جی نیب خیبر پختون خوا نے منظوری کے لئے چئیرمین نیب کو ارسال کر دی ہے۔درخواست منظور کرلی ملزم نے راولپنڈی میں 4 کنال 12 مرلہ کمرشل پراپرٹی دینے کی پیشکش کی ہے جس کی مالیت 160 ملین روپے ہے ڈی جی نیب خیبرپختونخوا نے منظوری کے لئے ملزم کی پلی بارگین درخواست چیئرمین نیب کو ارسال کردی تفصیلات کے مطابق کوہستان مالیاتی اسکینڈل میں گرفتار ملزم ایوب نے پلی بارگین کی درخواست دی تھی ڈی جی نیب خیبرپختونخوا نے ملزم کی پلی بارگین کی درخواست منظور کرتے ہوئے چیئرمین نیب کو ارسال کردی۔ملزم نے پلی بارگین کی درخواست سیکشن 25 (بی) نیب آرڈیننس 1999 کے تحت دی ہے۔نیب کے مطابق ملزم پر سکینڈل میں اربوں روپے خوربرد کرنے کا الزام ہے۔گزشتہ روز سپرٹنڈنٹ سینٹرل جیل پشاور کی وساطت سے ملزم نے پلی بارگین کے درخواست احتساب عدالت کو بھیجوا دی جس کے بعد احتساب عدالت نے ملزم کی پلی بارگین کی درخواست ڈی جی نیب پشاور کو ارسال کر دی ۔احتساب عدالت کے جج محمد ظفر خان نے درخواست پر ضروری کارروائی کا حکم دے دیا ۔یہ بھی معلوم ہوا ہے کہ ملزم نے پلی بارگین کے لیے بیان حلفی بھی درخواست کے ساتھ جمع کرادی جس میں اس نے پلی بارگین کے لیے جائیداد کی پیشکش کر دی، ملزم نے راولپنڈی کے موضع باجنیال میں 4 کنال 12 مرلہ کمرشل پراپرٹی دینے کی پیشکش کی،ملزم کے مطابق پیشکش کی گئی کمرشل پراپرٹی کی مالیت تقریباً 160 ملین روپے ہے۔ملزم نے پلی بارگین کے تحت اپنی واجب الادا رقم کے عوض جائیداد کی پیشکش کی واجبات کی عدم ادائیگی پر ملزم نے اپنی منجمد جائیدادیں نیلام کرنے کا اختیار بھی دے دیا۔