اسلام آباد میں اہم سفارتی پیش رفت: ایرانی وفد کی آمد
اسلام آباد: ایران کی پارلیمنٹ کے اسپیکر کی قیادت میں ایک اعلیٰ سطحی ایرانی وفد اسلام آباد پہنچ گیا ہے، جہاں وہ "اسلام آباد مذاکرات” میں شرکت کرے گا۔
پاکستان کے دفتر خارجہ کے مطابق وفد میں ایران کے وزیر خارجہ سمیت اہم سیاسی، عسکری اور معاشی شخصیات شامل ہیں۔ یہ دورہ خطے میں جاری کشیدگی کے خاتمے اور اہم سفارتی مذاکرات کے سلسلے کی ایک اہم کڑی قرار دیا جا رہا ہے۔
ایرانی وفد کا استقبال پاکستان کی اعلیٰ قیادت نے کیا، جن میں چیف آف ڈیفنس فورسز فیلڈ مارشل عاصم منیر، نائب وزیراعظم اسحاق ڈارو وزیر خارجہ سمیت دیگر سینئر حکام شامل تھے۔
ذرائع کے مطابق یہ مذاکرات امریکا اور ایران کے درمیان جاری کشیدگی کم کرنے اور جنگ بندی کو مستحکم بنانے کے لیے نہایت اہم سمجھے جا رہے ہیں۔ پاکستان اس عمل میں ثالث کا کردار ادا کر رہا ہے، جسے عالمی سطح پر ایک بڑی سفارتی پیش رفت قرار دیا جا رہا ہے۔ �
مزید بتایا گیا ہے کہ مذاکرات میں خطے کی سیکیورٹی، آبنائے ہرمز کی صورتحال اور مشرق وسطیٰ میں جاری تنازعات جیسے اہم امور زیر بحث آئیں گے، جبکہ پاکستان کی جانب سے فریقین کو قریب لانے کی کوششیں جاری ہیں۔
