جنگ سے متاثرہ پاکستانی طلبہ کو این ای بی امتحان میں شرکت کی اجازت دے دی گئی این ای بی کا امتحان 16 مئی 2026 کو، رجسٹریشن 9 اپریل سے شروع ہوگی۔
Pakistan Medical and Dental Council نے باضابطہ طور پر اعلان کیا ہے کہ نیشنل ایگزامینیشن بورڈ (NEB) کے امتحانات 16 مئی 2026 کو منعقد ہوں گے۔یہ امتحان راولپنڈی میں لیا جائے گا۔ طلبہ کی رجسٹریشن کے لیے پورٹل 9 اپریل سے 24 اپریل 2026 تک کھلا رہے گا۔ تمام اہل امیدواروں کو ہدایت کی جاتی ہے کہ پورٹل فعال ہوتے ہی مقررہ مدت کے اندر اپنی رجسٹریشن مکمل کریں پی ایم ڈی سی سال میں دو مرتبہ NEB کا انعقاد کرتا ہے تاکہ طلبہ کے علم، کلینیکل مہارتوں اور پیشہ ورانہ صلاحیتوں کا جائزہ لیا جا سکے جو بیرونِ ملک میڈیکل یا ڈینٹل تعلیم جزوی طور پر مکمل کر چکے ہوں اور پاکستان میں ٹرانسفر یا داخلہ حاصل کرنا چاہتے ہوں۔ یہ امتحان کمپیوٹر بیسڈ ہوگا اور اس میں ملٹی پل چوائس سوالات شامل ہوں گے۔وہ پاکستانی طلبہ جو بیرونِ ملک میڈیکل یا ڈینٹل اداروں میں زیرِ تعلیم ہیں، کم از کم دو سال مکمل کر چکے ہوں اور تیسرے سال میں داخل ہو چکے ہوں NEB دینے کے اہل ہیں۔ اس امتحان میں کامیابی پاکستان کے اداروں میں اگلے تعلیمی سال کے لیے داخلے اور ٹرانسفر / مایئگریشن کے لیے لازمی ہے۔ امتحان خاص طور پر ان طلبہ کے لیے بھی ایک موقع ہے جو اس وقت Iran میں میڈیکل اور ڈینٹل تعلیم حاصل کر رہے ہیں۔ ایسے امیدواروں کو ہدایت کی جاتی ہے کہ وہ ضروری قانونی تقاضے پورے کریں اور بروقت PMDC میں رجسٹریشن مکمل کریں۔مزید برآں، PMDC نے طلبہ اور والدین کو مشورہ دیا ہے کہ بیرونِ ملک میڈیکل اور ڈینٹل کالجوں میں داخلہ لینے سے پہلے احتیاط برتیں۔ کونسل نے زور دیا کہ طلبہ کی حفاظت اور فلاح و بہبود کو اولین ترجیح دی جائے اور سیکیورٹی خدشات اور طویل مدتی تعلیمی امکانات کو مدنظر رکھا جائے۔امتحان کے شیڈول، نصاب اور امتحانی مرکز سے متعلق تفصیلی معلومات PMDC کی آفیشل ویب سائٹ پر دستیاب ہیں۔ امیدواروں کو ہدایت کی جاتی ہے کہ وہ تازہ ترین معلومات اور ہدایات کے لیے باقاعدگی سے پی ایم ڈی سی کی ویب سائیٹ پر چیک کرتے رہیں۔
