اسلام آباد میں امریکی اور ایرانی وفود کے درمیان پہلی بار براہِ راست مذاکرات شروع ہونے کی اطلاعات ہیں ۔ دونوں ممالک کے وفود اہم بات چیت میں مصروف ہیں، جسے خطے میں کشیدگی کم کرنے کی بڑی کوشش قرار دیا جا رہا ہے۔
رپورٹس کے مطابق امریکی نائب جے ڈی وینس کی سربراہی میں امریکہ اور ایران کے درمیان باقاعدہ براہ راست مذاکرات شروع ہو ئے جبکہ پاکستان کا وفد بھی مذاکرات بطور ثالث شریک ہے۔
بعد ازاں ایلچی اسٹیو وٹکوف اور جیرڈ کشنر بھی شریک ہوئے جہاں اہم امور پر تفصیلی تبادلہ خیال کیا گیا۔
ادھر وائٹ ہائوس نے بھی تصدیق کی ہے کہ امریکی نائب صدر جے ڈی وینس نے ایرانی وفد سے روبرو ملاقات کی ہے، جس کی اطلاع خبر رساں ادارے ایسوسی ایٹڈ پریس نے دی۔
تجزیہ کاروں کے مطابق یہ براہِ راست مذاکرات دونوں ممالک کے تعلقات میں ممکنہ بہتری کی جانب ایک اہم قدم ہو سکتے ہیں، خاص طور پر ایسے وقت میں جب خطہ شدید کشیدگی کا شکار ہے
