آبنائے ہرمز سے مزید 20 پاکستانی پرچم بردار جہازوں کو گزرنے کی اجازت

امریکہ و اسرائیل اور ایران کے مابین جنگ کے دوران بند کی گئی آبنائے ہرمز سے مزید 20 پاکستانی پرچم بردار جہازوں کو گزرنے کی اجازت مل گئی۔
اس حوالے سے نائب وزیراعظم اور وزیر خارجہ اسحاق ڈار نے سوشل میڈیا اکاونٹ ایکس پر اپنے ایک پیغام میِں کہا ہے کہ آبنائے ہرمز سے مزید 20 پاکستانی پرچم بردار جہازوں کو گزرنے کی اجازت مل گئی ہے، اس دوران روزانہ 2 جہاز آبنائے ہرمز عبور کریں گے۔
اسحاق ڈار نے امریکی نائب صدر جے ڈی وینس، امریکی وزیر خارجہ مارکو روبیو، امریکی نمائندہ خصوصی سٹیو ووٹکوف اور ایرانی وزیر خارجہ عباس عراقچی کو پوسٹ میں ٹیگ کرتے ہوئے لکھا کہ ایران کا یہ اقدام خوش آئند اور تعمیری ہے، اس کی تعریف ہونی چاہیے۔